අනුර සහෝදරයා අති විශිෂ්ට ජයග්‍රහණයක් ලබනවා
මහජනතාව යථාර්ථව තේරුම්ගෙන අවසන් බැවින් ජනාධිපතිවරණයේදී අනුර කුමාර දිසානායක සහෝදරයා අති විශිෂ්ට ජයග්‍රහණයක් ලබන බවත් ඒ ජයග්‍රහණය ශ්‍රී ලංකාවේ වාර්තාගත ජයග්‍රහණයක් වන බවත් ජාතික ජන බලවේගයේ ජාතික විධායක කමිටු සමාජික සුනිල් හඳුන්නෙන්ති මහතා පැවසීය.
සුනිල් හඳුන්නෙන්ති මහතා ඒ බැව් කියා සිටියේ ජාතික ජන බලවේගය විසින් දීප ව්‍යාප්තව දිස්ත්‍රික් මට්ටමින් සංවිධානය කරනු ලබන බැංකු මූල්‍ය සංසදයේ නුවරඑළිය දිස්ත්‍රික් සමුළුව හිටපු පා.ම. කෝප් කමිටුවේ හිටපු සභාපති ජාතික ජන බලවේගයේ ජාතික විධායක කමිටු සාමාජික සුනිල් හඳුන්නෙත්ති මහතාගේ ප්‍රධානත්වයෙන් නුවරඑළිය නගරයේ පෞද්ගලික හෝටලයකදී පැවැති අවස්ථාවේදීය.
මෙම වැඩසටහන ජාතික ජන බලවේගය රජයක් යටතේ ඉදිරියට ක්‍රියාත්මක කිරීමට නියමිත මූල්‍යමය කළමනාකරණ කටයුතු පිළිබඳව බැංකු හා මූල්‍ය ක්ෂේත්‍රවල නියැළී සිටින නිලධාරීන් දැනුම්වත් කිරීම වෙනුවෙන් සංවිධානය කර තිබුණි.
Reviewed by Lanka Political
on
August 09, 2024
Rating:
